Bilboko Zazpikaleetako zintzurrak ondo busti zituen atzo Txikiteroen Egunak. Txakolinaren erromeriak eraman zituen bilbotar egarrituak Begoñako Andra Mariri oles egitera eta, haren eguna zela eta, urtero bezala, «Amatxu» lore sortaz bete zuten. Dantzak eta musikak alaitu zituen jantzi dotorez atondutako txikiteroak, dantzan jarri, baita eskuan zituzten txakolin kopak edo ardo beltz basoerdiak ere. Eta zintzurra bustita, eztarria garbitu eta kantuz agurtu zuten Txikiteroen Eguna iluntzea iristearekin batean. «Begoñako Andra Mari...».