Bederatzi urte eta gero, Jürgen Kloppek duela egun gutxi aditzera eman zuen ez duela Liverpooleko aulkian jarraituko. Atzo, Norwichen aurkako Ingalaterrako Kopako kanporaketan, bere agurraren ibilbidea hasi zuen alemaniarrak. Eta nola, gainera! Anfield zelai mitikoak, betiko moduan, partidaren atarian abesten duen “You’ll never walk alone” (ez zara sekula bakarrik ibiliko) inoiz baino ozenago abestu zuen bere omenez. Bere izena zeramatzaten bufandek eta pankartek paisaia apaindu zuten, eta “We love you” bezalako esaldiek teknikaria hunkiarazi zuten.