Dani Alves futbolari ohia kartzelatik irten zen atzo, baldintzapeko askatasuna berreskuratuz, milioi bat euro ordaindu eta gero. Dirua daukanak topatu ohi du zigorrak arinago egiteko modua. Auzia komunikabide askoren bazka bilakatu zen aspaldi, baina show-ak goia jo zuen atzo, Alvesen irteera zuzenean transmititzeari balio informatiboa topatu omen baitzioten askok, ez bakarrik Bartzelonan eta Madrilen. Kasu honek erakutsi du epaitegietan zerbait aldatzen hasia dela; alor mediatikoan, ordea, bide luzea egiteko dago.