Soldatapeko eta langile autonomoen osasun eskumenak laneko mutualitateei transferitzeko proiektua salatu zuen Osasungintza Publikoaren Aldeko OPA herri plataformen koordinakundeak atzo, eta protesta ekimenak iragarri zituen. Ez zaio arrazoirik falta: pribatizatzen badute, Osakidetza ahultzearekin batera, zerbitzuaren kalitateak lehentasuna izateari utziko dio, etekinen mesedetan. Estrategia maltzurra da: Osakidetzaren egoera kaskarra profitatzen ari dira, osasun eskumenen pribatizazioa areagotzeko erantzun soziala apalduz.