Barne Ministerio espainolak ezagutarazitako datuen arabera, 2023an bortizkeria matxistarekin lotutako 6.740 gertaera larri izan ziren Hego Euskal Herrian, egunero 18tik gora. 2.610 Bizkaian, 1.861 Nafarroan, 1.449 Gipuzkoan eta 820 Araban. Gertaera larrien kategorian hilketak, lesioak, askatasunaren, osotasun moralaren eta sexu askatasunaren kontrako delituak eta bikotekidearen edo bikotekide ohiaren kontra indarkeriaz edo intimidazioz egindako delituak sartzen dira. Datuak zinez ikaragarriak dira.