Azpeitiko zezen plazan giro aparta izan zen Euskal Pentatloiaren finalean larunbat gauean. Bertan, Andoni Iruretagoiena “Izeta VI”.ak beste marka ikusgarri bat lortu zuen: laugarrenez irabazi zuen, 30:53ko marka ezarrita. Halaber, aiarrak minutu eta bi segundo hobetu zuen bere markarik onena, nahiz eta bere nahia 30 minututik jaistea zen. «Palmaresean aurrena geratuko da, horrekin geratuko naiz pozik», konformatu behar izan zuen Izetak. Euskal Pentatloiak atseden luzea hartuko du orain, indarberrituta eta aurpegi berriez 2026an itzultzeko.