Lando Norrisek irabazi du Abu Dhabiko Sari Nagusia, eta, hala, bere laugarren garaipena lortu du. Carlos Sainzek bigarren eginda agurtu du Ferrari, eta hirugarren Leclerc geratu da. Verstappenen eskuetan zegoen jada pilotu titulua, eta ikusteko zegoen zein taldek bereganatzen zuen Eraikitzaileen Munduko Txapelketa; garrantzi handia du horrek, batez ere, ekonomikoki, 12 milioi euro inguruko aldea baitago lehen edo bigarren izatearen artean. McLaren eta Ferrari ziren hautagaiak eta, azkenean, ingelesak gailendu ziren.