Daniel Tschofenig austriarra nagusitu zen atzo, Urteberri egunean, Alemaniako Garmisch-Partenkirchen eski-estazioan jokatutako Lau Tranpolinen bigarren proban. Epaileek 298,9 puntu eman zizkioten bi saltotan lortu zituen marka harrigarriengatik: 141,5 metro saltatu zituen lehenengoan, eta 143 bigarrenean. Horri esker, Munduko Kopako zein Lau Tranpolinen txapelketako sailkapenen gorenean kokatuta dago 22 urteko kirolaria. Txapelketa hau Austrian amaituko da; larunbatean eta astelehenean egingo diren proben ostean.