Gasteizko Letren Fakultatea erasorik gabeko espazio gisa aldarrikatu zuen mobilizazio batek atzo, aurreko astean irakasle batek egindako jazarpen eta ukituen salaketak ezagutzera eman ostean. EHUk genero indarkeriaren aurkako protokoloa abiatu zuen irakasle horren aurka, salaketa formal batzuk jarri zirela onarturik, eta ikasle eta kolektibo feministek biolentzia matxistari tinko aurre egitea eskatu zuten. Ikasturte hasieran ikasleen mobilizazioa gakoa izan zen sareetan iruzkin matxistak eta arrazistak egin zituen irakaslearen kasua salatzeko.