Mikel Ayestaran kazetariak Ortega y Gasset 2024 kazetaritza saria jaso du, multimedia estaldura onenaren atalean. Israel gerra-arma gisa gosea nola erabiltzen ari den dokumentatzea erabaki zuen, egunero Gazako Zerrendako familia palestinar baten janaria agertzen zen plater baten argazkia argitaratuz. Platera aitzakia ezin egokiagoa da elikagai faltaz hitz egiteko, baina baita merkatuaz, prezioez edo erregaia lortzeko zailtasunez ere. Mezu zuzena zabaltzen du platerak, jende guztiarengana iristen dena. Ideia bikaina.