Iñaki Williams -argazkian-, Nico bere anaia, Unai Gomez, Iñigo Ruiz de Galarreta, Oscar de Marcos, Gorka Guruzeta, Adama Boiro, Mikel Vesga eta Iñigo Lekue Athleticeko jokalariak, baita Ernesto Valverde entrenatzailea ere, Bridgestoneko buzo batekin paratu ziren joan den larunbatean, enpresak Basauriko lantegian proposatutako enplegu-erregulazio espedientearen aurka langileak gauzatzen ari diren borrokari babesa emateko. Hasieran, 335 langile kaleratuko zirela iragarri zen. Atzo, ordea, plantillaren %100ek lanuztearekin bat egin zuen egunean, enpresaren eskaintza berriak kopuru hori 232 langilera murriztu zuen. Ikusteko dago zer gertatuko den, baina borrokak eta horri babesa emateak zerbaitetarako balio duela ezin da zalantzan jarri.