Adimen artifizial (AA) sortzailearen garatzaileek aitortu dute ez dutela erabat ulertzen nola funtzionatzen duten beren sorkuntzek. Software tradizionalean, programatzaileek ezarritako ibilbide logikoak jarraitzen dira, baina adimen artifizala emaitza egokia eskaintzeko bide propioa egiteko trebatuta dago. «Sektorean aritzen ez direnak harritu egiten dira geuk ere gure sorkuntzek nola funtzionatzen duten ulertzen ez dugula ohartzean», idatzi berri du Dario Amodeik, Anthropic enpresaren sortzaileetako batek. «Horrek ez dauka aurrekaririk teknologiaren historian».