Satelite bidezko irudietan zantzuak ageri ziren arren, zientzialari errusiarrek ez dute aste honetara arte baieztatu Kaspiar itsasoan uharte berri bat azaleratu dela. Ezin izan dute lur berri honetan oinik jarri, eguraldiak eta uraren sakontasun ezak ez dutelako ahalbidetu, baina hegazkinez ateratako irudiak ez du zalantzarako tarterik uzten. Gizakiok eragindako klima krisiaren ondorioz, Kaspiar itsasoa elikatzen duten ibaien emaria gutxitu -Volgarena batik bat- eta itsasoaren maila beheititu da, eta horrek oraindik izenik ez duen uharte hau urgaineratu du. Lur berri bat, datorren mundu berriaren sinbolo.