«La Suizako seiak», CNTko sei sindikalista, Asturiasko espetxean aurkeztu ziren atzo, 3 urte eta 6 hilabeteko espetxe zigorra betetzera. Zigorra bidegabea eta izugarria da, eta asturiar jendartea astindu du: mobilizazio deialdiak eta indultu eskaerak ugaritu dira. Aurreko ostiralean Yolanda Diaz, espainiar Gobernuko bigarren presidenteordea eta Lan eta Gizarte Ekonomia ministroa, sei sindikalistekin bildu zen, eta Gobernuak indultua tramitatzea babestera konprometitu zen; asturiar Gobernuaren babesa ere edukiko luke.