Abuztuaren azken arnasa dario oraindik asteburu honi, eta hilabeteari agur esateko modu berezi bat lurrun-tren batean bidaiatxoa egitea izan daiteke. Azaroaren hasierara arte luzatuko den ohiko zerbitzuaren barruan, bi bidaia egin zituen atzo trenak, Euskotreneko Burdinbidearen Euskal Museoaren instalazioetatik abiatu eta Lasaoko geltokiraino (Azpeitia). Gaur hirugarren bidaia bat egingo du, 12.00etan aterata. Bestela ere, edozein egun da ona Europako tren-bildumarik onenetakoa erakusten duen museoa bisitatzeko, askotariko ibilgailuak baititu bertan.