Buruko Osasunaren Eguna izan zenetik bi astera, atzo goizean buruko osasunari zuzenduriko Gipuzkoako zentroen arteko 11. futbol txapelketa jokatu zen, Why Not elkarteak antolatuta. Puio zelaian izan zen topaketa, berrehunen bat parte hartzailerekin. Pare bat ordutan partidak jokatu ostean, finalerako eta sari banaketarako tartea iritsi zen. Eta lan horietan aritu ziren Realeko jokalari ohi Bixio Gorriz, Mixel Loinaz, Jose Mari Martinez eta Miguel Fuentes ere. Garailea? Halakoetan are pisu handiagoa hartzen du «garrantzitsuena parte hartzea da» esamoldeak.