“Bardeako zatitxo bat” izenburua du Iñaki Turrillas de Frutos argazkilariaren irudi honek. «Bardearen paisaia desafiatzailea eta harrigarria» islatu nahi izan du “Nafarroa, zinemaren lurraldea” lehiaketaren VIII. edizioa irabazi duen irudi honekin. Iaz ere Bardeako irudi batez baliatu zen lehen saria lortzeko.... baina aitor dezagun Erriberako txoko honek zerbait berezia duela. “007” edo “Game of Thrones”, horren lekuko. Lehiaketaren bigarren saria Mario Bienzobasek lortu du Arguedaseko irudi batekin eta, hirugarrena, Javier Munuerak... Bardearekin.