Jaizki FONTANEDA FOKU
BEGIRADA

Ikurrinari memoriaz beteriko omenaldia

Duela 90 urte, Jose Antonio Agirre lehendakariak ikurrinari ofizialtasuna aitortu zion dekretua sinatu zuen. Lehen Eusko Jaurlaritzaren 90. urteurrenaren kariaz, Agirrek Parisko bulegoan eduki zuen bandera lekuko, ikurrinari omenaldi instituzionala egin zioten atzo Ajuria Enean. Armada alemaniarra frantziar hiriburuan sartu zenean, Alberto Onaindiak (aita Olaso) Agirreren ikurra eraman zuen, Azkainen gorde zuten, eta 1984ko uztailaren 18an, lau hamarkada beranduago, Carlos Garaikoetxea lehendakariak jaso zuen.