Euskal Herriko Eskulangintza Azokak dagoeneko eman ditu Errenterian ostegunetik eta igandera bitartean ikusgai dagoen 36. edizioko bi sariak. Ekitaldiaren antolatzaile den Ereintza Elkarteak izendatutako adituez osatutako epaimahaiak saltoki onenarentzako saria Bilboko Matxi glas design lantegiaren erakusmahaiari eman dio. Artisau produktuaren kalitateari dagokion saria, ordea, Jose Pablo Arriagak irabazi du, «Artxibo» deritzan zurezko altzari batekin. Artisau horren jarduera altzarigintza eta eskultura da.