Vicente II.a gailendu zen Nafarroako Bigarren Mailako kanporaketan. 17 urte besterik ez ditu Otsagabiako gazteak, eta, atzo ikusitakoaren arabera, datorren urtean Lehen Mailan aritzeko aukera asko izango ditu.

Guztira 2 kana-erdiko eta 60 ontzako bat ebaki behar izan zituen. 6 minutu eta 49 segundo behar izan zituen Vicentek lanak burutzeko. Bigarren Mieltxo Saralegi (6.55) sailkatu zen, hirugarren Senosiain II.a (7.19), laugarren Pellejero (7.54), eta, bosgarren, Beltza (8.05). Hauek izan ziren finalera sailkatu zirenak. Atzetik Erdozia, Eneko Saralegi, Etxeberia eta Resano sailkatu ziren. Azken orduan Eraso eta Xabier Mindegia ez ziren joan eta ez jaisteko kanporaketa jokatu beharko dute. Kastrok, berriz, maila galduko du.