Patxo Telleriaren «Pankreas» antzezlana gaur eskainiko da Bilboko Campos Eliseos antzokian. Bertsotan idatzitako obra da. Mikel Martinez, Joseba Apaolaza eta Telleria bera dira aktoreak, Jokin Oregiren zuzendaritzapean. Nabarmentzekoa da beste bost egilerekin batera aukeratu dutela antzezlana Mariborreko jaialdiko arduradunek. Esloveniako antzerki jaialdirik zaharrena eta entzutetsuena da. 2009. urteaz geroztik jaialdi honek Europako dramagintza hartu du lanerako ardatz. Aukeratua izateari esker eslovenierara itzuliko dute , eta ondoren liburu batean argitara eman. Antzezlana martxoan estreinatu zen. Euskaraz bertsotan idatzitako lehen lana da.