Karena.eu crowdfunding plataformak antolatutako diru bilketa kanpainaren bidez lortu ditu Xaloa telebistak Iruñerrian emititzeko behar zituen 50.000 euroak (53.760 euro jaso ditu orotara telebista nafarrak). Diru horrekin aipatu emisioa burutzeko beharrezko materiala erosi eta instalatzea lortu du Xaloak, eta, hala, probako emisioak jada ikusgai daude, lurreko telebista digitalaren 38. kanalean. Xaloak eskerrak eman dizkie kanpainan parte hartu eta ekarpenak egin dituzten 310 norbanako eta erakundeei.