Badira bi aste Brasilgo hegoaldera txikizioa eraman duten uholdeak hasi zirela. Bereziki kolpaturiko Rio Grande do Sul estatuan bere horretan segitzen dute arazoek. Urak gainezka egindako toki askok ur azpian jarraitzen dute. 620.000 lagunetik gora dira etxea utzi behar izan dutenak. Hildakoak 158 dira gutxienez. Eta kalte ekonomikoak zenbatezinak dira... Hondamendiaren benetako tamaina neurtzeko, agintariek denbora beharko dute oraindik. Argazkian, hegazkin bat Rio Grande do Suleko Salgado Filho Nazioarteko Aireportuko pistetako batean.