Ane Urkiri Ansola|17/11/2018 00:00
ANE PESCADOR

Denboraldian zehar arrauna uzteko erabakia %98an hartu zuen. Ondarroako bandera salbu beste guztia irabazi du San Juanek, baina urte gogorra izan dela dio Ane Pescadorrek. Lortutakoa gehiago baloratzea bota du faltan eta, hamahiru urteren ostean, atseden hartuko du. Kontxako estropadak gabarroian ikusten hasi eta bost aldiz irabazten bukatu du.

Amagoia Mujika Telleria|10/11/2018 00:00
ARRATE ILLARO

Akaso ahobiziak eta belarriprestak agertuko zaizkio alboko aulkietan eserita, kantukide, hurrengo finalaurrekoarekin amets egiten duenean. Martxa bizian doazen bi trenetan igota dago uneotan Arrate Illaro (Getxo, 1989): Euskaraldia eta Bizkaiko Bertsolari Txapelketa. Bateko koordinatzailea da eta bestean finalaurrekoetara sailkatzea lortu du.

Amagoia Mujika Telleria|03/11/2018 00:00
CHRISTIANE VON ENZBERG

Alemaniarra da Christiane von Enzberg argazkigilea eta Bartzelonan bizi da. Badira hogei urte baino gehiago Euskal Herrira lotuta dagoela, beka batekin etorri eta «Egin» egunkarian aritu baitzen argazkilaritzan trebatzen. Orain Zumaiara bueltatu da erakusketa batekin; hondartzako egoera ohikoenei punta zorrotza atera die bere kameraz.

Joxean Agirre|27/10/2018 00:00
ANJEL LARRAñAGA

Ezin da haurdunaldiarekin konparatu; ez du ez haren erdiminik, ez pozik, baina liburu bat edo disko bat ateratzeak baditu bere kezka eta urduritasunak. Anjel Larrañagak biak kaleratu ditu aste honetan, diskoa eta liburua, «Lana festa bihurtuz» izenarekin, eta baietz aitortu zigun aurkezpenaren bezperatan, eguna gerturatu ahala beldurra eta lotsa sentitzen dituela.

Ion Salgado|20/10/2018 00:00
EDUARDO ALSASUA

Egun hauetan Eduardo Alsasuaren margolan errealistak ikus daitezke Irantzu Lekuek sortutako ARTgia Sorgune Aretoan. Gasteizen banako erakusketa burutzen duen lehenengo aldia da, eta bere lana Judimendiko auzokideei erakusteko aukera eman dio horrek. Datorren urtean beste erakusketa bat antolatuko du Espazioa aretoan.

Nerea Goti|13/10/2018 00:00
ANEGURIA

«Perzebe. Dana edo ezebez» bere azken diskoaren azalean lanpernez inguratuta biluztu da Aneguria rap abeslaria, bizipen propio baten harira. Bat-bateko jardunean bizia eta gardena da bilbotarra, eta ez du arazorik une bakoitzak eskatzen duen erritmoan sentimenduak, beldurrak, indarrak, desirak... azalarazteko.

Oihane Larretxea de la Granja|06/10/2018 00:00
EÑAUT BARRUETABEÑA

Arkitekturatik modara jauzi egin zuen Eñaut Barruetabeñak, Inditex erraldoitik bere marka propiora egin duen bezala. Jauziak erabakien ondotik ailegatu dira, denbora laburrean. Gizonen arropak proposatzen ditu mutrikuarrak, oihal organikoekin eta Bartzelonan ekoiztuak. Egiteko modu honek arroparen atzean dagoen horretan jartzen du arreta.

Amagoia Mujika Telleria|29/09/2018 00:00
AINHOA ABINZANO ETA ROSA MARIA RODRIGUEZ

Ainhoa Abinzano eta Rosa Maria Rodriguez gorrak dira. Beren egunerokoa aldapan gora bizi dute entzuten dutenentzat diseinatutako mundu honetan. Bihar Pertsona Gorren Nazioarteko Eguna dela-eta, traba horiek denak jarri nahi dituzte mahai gainean. Ez dute entzuten eta, gainera, ez dira entzunak.

Ion Salgado|22/09/2018 00:00
IGNACIO ROBLES

Saudi Arabiara eramateko armak kargatzeko operatibo batean parte hartzeari uko egiteagatik espediente bat ireki eta zigor «arina» ezarri zion Bizkaiko Foru Aldundiak Ignacio Robles suhiltzaileari. Roblesek herritarren babesa jaso zuen, bere jarrerak arma trafikoari buruzko eztabaida sortu zuelako. Eta bizirik den eztabaida da, izan ere, Espainiako Gobernuak amore eman du Saudi Arabiaren mehatxuen aurrean eta laser bidez gidatutako 400 bonba bidaliko ditu Yemengo gerran parte hartzen ari den herrialdera.

Amagoia Mujika Telleria|15/09/2018 00:00
KATERIN ARTOLA

Euskadiko Aurresku Txapelketa Nagusiko txapela jantzi zuen Ordizian pasa den larunbatean, aurrenekoz partaidetza mistoa izan duen edizioan. Pozik dago oiartzuar gaztea, gogor lan egin baitu horra iristeko, askok uste baino gogorrago: «Niretzat dantza kirola da, edozein kirol bezain exijentea delako fisikoki eta psikologikoki».

Page 1/ 17