Lehia estua izan da gaurkoan Federerrek eta Del Potrok teniseko finalerdietan jokatu dutena. Suitzarra izan da garaile lau ordu eta 26 minutuz luzatu den norgehiagokan. Emaitza estua izan da: 3-6, 7-6 (7-5) eta 19-17.

Finalerako txartela lortuta, Federerrek mundu mailako lehen postua defendatzea eta Joko Olinpikoetako urrezko domina eskuratzea izango ditu helburu.

Aurkaria ez du oraindik ezagutzen. Novak Djokovic-ek eta Andy Murray-k jokatuko duten finalerditik irtengo da bere arerioa.

Joko Olinpikoei buruzko informazio guztia NAIZeko web berezian.