Euskal Herria Palestina Sarearen baitan bildutako eragile desberdinetako ordezkariek agerraldia egin dute Bilbon, herri palestinarrarekiko elkartasunez antolatu dituzten ekimenen berri emateko.
Asteazken honetan gogoa hartzen den eta palestinarrentzako hain adierazgarria den Nakba –hondamendia– egunaren harira antolatu dute aipatu egitaraua.
Aurkeztutako egitarauaren baitan, askotariko ekimenak daude: gastronomikoak, kulturalak, hitzaldiak, elkarretaratzeak...
Programa horretako ekimen nagusia larunbatean iritsiko da, Elizondon egingo baitute herri palestinarrarekiko elkartasun eguna.
Antolatzaileen izenean, Eneko Calle eta Irati Sienrak, gazteleraz eta euskaraz, hurrenez hurren, ekimenotan parte hartu eta BDZ kanpainaren bitartez palestinarren alde lan egiteko gonbitea egin dute.