Ohar baten bitartez, Auzitegi Nazional espainolak, Gazte Danbadaren baitako ekitaldi politiko baten inguruan informatzeagatik Topatu.info webguneko hiru kazetari inputatu izana gogor salatu du Ernai gazte antolakundeak, «adierazpen askatasunaren aurkako eraso gogorra» delako.

Argi adierazi nahi izan dute Topatuko kideak, «beste hainbat hedabideek egin bezala, proiektu komunikatibo gisa zegokien lana» egiten aritu zirela Gazte Danbadan.

«Garbi dugu, inposatutako eredu, muga eta ‘egiei’ aurre egiten dien oro jo puntuan dutela eta aspaldidanik Euskal Herrian ezarritako kriminalizazio kanpainen erdigunean kokatzen dutela», salatu du Ernaik.

Azkenik, babesa adierazi diote Topatu proiektuari eta lan egiten jarraitzera animatu dituzte.