Ohar bidez LAB sindikatuak berri eman duenez, datorren ikasturterako haur eskoletako euskarazko plazak nabarmen igoko dira Iruñean, %10etik 30era, Udalak bi haur eskola berri ireki baititu.
Sindikatu abertzaleak pozez hartu du erabakia, «hiritarren hizkuntza eskubideak ziurtatuagoak» izango direlako eta, gainera, urte luzez aldarrikatutako eskakizunari erantzuna eman zaiolako.
«Langileen ordezkari bezala, bertze alderi bat azpimarratzea gustatuko litzaiguke: Udaletik, aldaketa hauek ezartzerakoan kontu handiz jokatu dute lan plantillari ahalik eta min gutxien emateko, izugarrizko ikerketa eginez; Udaleko teknikariak buru belarri jarri dira lanean afera honetan, aipatutako hizkuntza ereduen aldaketa inor kaleratu gabe egitea lortu duten arte», nabarmendu du LABek.
Iruñeko Udalak agerraldia egingo du 11.30ean, albiste honen inguruko xehetasun gehiago emateko.
La autopsia confirma el crimen machista en Barakaldo; detenido un hombre de 27 años
‘Gutun bat Kottori’: «Gazteoi dagokigu gai hau bertze modu batera lantzea»
EH Bildu ganaría en la CAV y subiría en Nafarroa, según un sondeo de Aztiker
Una monja de Urduña sigue hospitalizada y prohíben a las de Belorado contactar con ellas
