Lakuako Segurtasun Sailak jakinarazi duenez, Bakion gertatutako sexu erasoaren ustezko egilea identifikatu eta inputatu egin duela.

Emakumearen salaketaren arabera, erasoa iragan ostegunean gertatu zen, gaueko hamaikak laurden gutxitan. Kaletik zihoala, gizon bat hurbildu zitzaion eta, ukituak egiteaz gain, musu ematen saiatu zen.

Gertatutakoaren berri eman zien Ertzaintzari eta Udaltzaingoari eta gaur bertan jakinarazi du Polizia autonomikoak gizonezkoa identifikatu egin duela eta sexu eraso delitu bat egotzita inputatu egin duela.

Eraso hau salatzeko, Udalak deituta, martxa bat egin da herriko kaleetan barrena. Ehunka lagun bildu dira.