Hodei Egiluzen gurasoak Cecilia Malmstrom Europako Batzordeko Barne komisarioarekin bildu dira gaur goizean Bruselan eta ondoren Pablo Egiluzek agerraldia egin du komunikabideen aurrean.
«Europako erakundeetara ate joka gatoz berriro erantzun, babes, laguntza eta ahalegin gehiago eskatzeko», adierazi du gazte galdakoztarraren aitak.
Azaldu duenez, Europako Batzordeko Barne komisarioak «erakundeen laguntza eta babesa, maila gorenean», eskaini dizkio Egiluzen familiari eta lantalde bat osatzeko konpromisoa hartu du, Pablo Egiluzek esan duenez.
Era berean, Malmstronek esan die desagertutako pertsonak bilatzeko «protokolo europarra eta integrala» bultzatzeko eskatuko diola osatzear dagoen Europako Batzordeko gobernu berriari, Hodei Egiluzen esperientzia oinarri hartuta.
Gaztearen aitak azaldu du ez dela izan berri aipagarririk azken asteotan eta iazko urriaren 19an Anberesko hirigunean egon zitezkeen balizko lekukoei laguntza eskatu die sema aurkitu ahal izateko.
Abuztuaren 18tik 30era bizikleta martxa egingo du Hodei Bila elkarteak Belgika eta Herbehereetan, Galdakaoko gaztearen desagerpenaren berri emateko.
Detenido en Iruñea Óscar Reina, secretario del SAT, acusado de un delito de «calumnias»
El Parlamento navarro pide la exclusión de Israel de los Juegos de París
EH Bildu organiza una Conferencia Municipalista para «dar un salto en la construcción de país»
Aburto responde a la protesta vecinal pidiendo que se acepte que solo Sader abandone Zorrotza
