Sustrai Colinak sorpresa eman eta Xilaba, Ipar Euskal Herriko bertsolari txapelketa irabazi du. Buruz-burukoan Amets Arzallusekin lehiatu ostean, 1008 puntu eskuratuta gailendu da Colina, egungo Euskal Herriko txapeldunari hamar puntuko aldea aterata (998 puntu egin ditu Arzallusek).

Baionako finalean parte hartu dute baita ere Maddalen Arzallus, Odei Barroso, Miren Artetxe eta Xumai Murua bertsolariek. Hurrenez hurren, 581, 576,5, 571 eta 537,5 puntu eskuratu dituzte. Kantatzeko eragatik eta doinuagatik ematen den Txato saria, aldiz, Odei Barrosok eskuratu du.

Panpili Trekuk, Mattin Treku bertsularien semeak, jantzi dio txapela Colinari.