Euskararen Nazioarteko Egunaren bezperan egindako agerraldian, Nafarroan euskarazko hezkuntzan aritzen diren zenbait eragilek euskaraz eskaintzen den irakaskuntzaren garrantzia nabarmendu zuten.

«Pertsona elebidunak prestatzen ditugunean, etorkizuneko lurralde justuagoa bultzatzen ari gara, horrela nafar guztien hizkuntza eskubideak bermatzen joango direla ziurtatzen delako. Euskaraz ikastea hizkuntza bat ikastea baino gehiago da; munduko hizkuntza eta kultura aniztasunaren aurrean jarrera positiboa eta errespetuzkoa bultzatzen du. Hizkuntza zaintzea lagungarria da, zalantzarik gabe, herrien arteko elkarrizketa eta bakea ahalbidetzeko. Horretaz gain, pertsona horiei aukera gehiago ematen diegu euren etorkizuneko lan arrakasta lortzeko, bi hizkuntza menperatzeak lanpostu gehiagotarako atea irekitzen dielako», adierazi zuten NIZE, Euskarabidea, Topagunea, Sortzen, NIE eta Kontseiluko ordezkariek.

«Gure ereduak gainera eskarmentu handiko ibilbidea du. Horrek eskaintzen dugun hezkuntza urteek emandako esperientzian oinarritua dagoela ziurtatzen du eta denbora horretan guztian zehar egin izan diren barne eta kanpo probetan emaitza onak lortu ditu», gaineratu zuten manifestuaren sinatzaileek.