Naiz.info
Donostia

Ewan McGregor aktoreak ere Donostia Saria jasoko du

Zinemaldiak bi Donostia Sari banatuko ditu aurten. Bata Oliver Stonek jasoko du, atzo iragarri bezala, eta bestea, Ewan McGregor aktoreak.

Azken hiru edizioetan Donostia Sari bakarra banatu izan du Zinemaldiak, nahiz eta historian zehar, urtero bi banatu izan dituen, baita batzuetan hiru ere. 56. edizioan banatu zituen azken aldiz bi sari. Meryl Streepek eta Antonio Banderasek jaso zituzten orduan.

52. edizioan banatu ziren, azkenekoz, hiru Donostia Sari. Ordu hartan, Woddy Allen, Annette Bening eta Jeff Bridgets izan ziren saridunak.

Aurtengoan, 60. edizioan, Zinemaldiak bi Donostia Sari banatuko ditu. Atzo iragarri zuen antolakuntzak Oliver Stonek jasoko duela bata. Bigarrena, Ewan McGregor aktorearentzat izango da.

Eskoziarrak Juan Antonio Bayonak zuzendutako ‘The Impossible’ filma aurkeztuko du Donostian.