Educadores contra el Adoctrinamiento izeneko elkarte ultrak Bellreguart-eko (Valentzia) eskola baten zuzendaritzaren kontrako salaketa aurkeztu du, Fermin Muguruza omentzen duen mural bat egiteagatik «terrorismoa gorestea» leporatuta. Gandiako epaitegi batek salaketa onartu du eta eskolako zuzendaritzako kideak martxoaren 26an deklaratzera deitu ditu. Elkarte ultrek eta horiek babesten dituzten epaileek gustuko ez duten guztiari erasotzen jarraitzen dute, beren izaera autoritario, despotiko eta baztertzailea erakutsiz.