Bihar hasiko da NAIZ Irratian denboraldi berria. Peli Lekuona eta Sara Iriarte izango ditu gidari Informazioaren Hariaren lehen edizioak ikasturte honetan, berrikuntza nabarmen batekin: 6.00etan abiatuko baita saioa. Goizeko lehen ordutik egunak dakarrenari begira jarriko da irratiko magazin nagusia. Eguraldiari errepasoa egin eta gero, analisi mahaiak iritsiko dira. Iñaki Soto (GARA), Amagoia Mujika (‘‘Berria’’), Ibai Fernandez (‘‘Diario de Noticias’’), Maialen Ferreira (‘‘Eldiario.es’’), Garbiñe Biurrun, Begoña Errazti eta Laura Mintegi izango dira solaskideetako batzuk.