Ernesto Kreplak epaile argentinarrak baieztatu zuenez, 76 dira jada medikuntzako fentanilo partida batek eragindako biktimak. Minak tratatzeko erabiltzen den opiazeo indartsu hori bi bakterio multirresistenterekin kutsatuta zegoen. Kutsatutako 154.000 anpuluetatik gehienak kontrolatuta daude, baina ez denak; honenbestez, litekeena da hildakoen kopurua handiagoa izatea. Ikerketak, halaber, sozietate sare konplexu bat aurkitu du partida honen atzean, iruzurgileak erantzukizunak saihesteko antolatua, antza denez.