Datozen egunetan Sortuko bozeramaile Amaia Izko eta Amaiurreko senatari Urko Aiartza Kolonbiara joango dira, preso politikoen gaineko hitzaldi batean parte hartzera.

Azken honek harreman erronda bat egingo du egungo prozesuan lanean dabiltzan pertsona eta eragileekin. Helburua, Kolonbiako prozesuaren garapenaz lehen eskuko informazioa jasotzea, eta honekin Sortuk duen konpromisoa erakustea.

Izkok, bestalde, Fundación Comité de Solidaridad con los Presos Políticos fundazioak biharko Bogotan antolatutako «Foro Internacional sobre el Delito Político y Proceso de Paz» izeneko ekimenean hartuko du hitza, abokatuak propio prestatu duen aurkezpen batekin. Bere ekarpena, Palestina, AEB, Txile eta Argentinako egoerekin osatuko da.