Donostia Ospitalaren bi aldeetara ari dira gose grebak egiten. Barruan aurkitzen da Iosu Uribetxebarria, larriki gaixo dagoen preso arrasatearra, eta kanpoan, aldiz, haren askatasuna eskatzeko hamabi kidez osatutako talde bat ari da protestan.
Hamalaugarren eguna egingo du gaur Uribetxebarriak goxe greban. Legea bete eta bere askatasuna eskatzeko ekin zion protestari arrasatearrak. Oraingoz, ordea, entzungor egiten du Gobernu espainiarrak eta preso mantentzen dute.
Ostiralean hirugarren gradua eman zion Espetxeetako Zuzendaritzak, aske geldi dadin aurreko pausua dena, baina Ertzaintzaren zaintzapean jarraitzen du Uribetxebarriak.
Askatasuna lortu bitartean gose greban jarraitzeko hautua egina du preso arrasatearrak
Protestak kanpoan ere
Donostia Ospitalaren kanpo aldean ere protestak egiten ari dira Uribetxebarriaren askatasuna exijitzeko. Une honetan hamabi dira gose greban dauden pertsonak, baina gehiago ere izan dira.
Herrira mugimenduaren ekimenak areagotu egin dira eta egunero antolatzen dute zerbait Ospitalaren kanpoaldean. Gaurkoan Euskal Herriko hiriburutako jaietan protagonistak diren taldeak (Bilboko Konpartsak, Donostiako Piratak, Gasteizko Blusak eta Iruñeko Peñak) izango dira Ospitalean.
Bestalde, 500 preso politikotik gora daude borrokaldian euren espetxeetan Uribetxebarriaren askatasunaren alde.
Identifican a la navarra María Luisa Eugui entre los fallecidos en el accidente de Adamuz
Euskotren pospone por «motivos operativos» el cambio de andenes anunciado horas antes
Oihu bat Palestinara jaialdia, martxoaren 21ean Durangon, «ondorio errepresiboei» aurre egiteko
La Fiscalía archiva la denuncia contra el acceso al chalet de Xabi Alonso en Igeldo
