Binakako txapelketako hamaikagarren jardunaldiko bi neurketa jokatu dira gaur arratsaldean. Bata Bilbon izan da, Irujo-Zabaleta eta Olaizola II.a-Zabalren artekoa. Bestea, Logroñon, Titin III.a-MerinoII.a eta Arretxe II.a.Beginoren artekoa.
Irujo eta Zabaleta aise nagusitu dira Bilbon (22-11) eta sailkapenaren lehen postuan jarraitzen dute. Nahiz eta galdu, lehenengo lauen artean jarraitzen dute Aimar Olaizolak eta Ibai Zabalak.
Ezustekoa eman dute Logroñon azken sailkatuek. Nahiz eta finalerdietara sailkatzeko aukera gutxi izan, 22-19 irabazi dute Arretxe II.a eta Beginok Titin III.a eta Merino II.aren aurka. Galtzaileek aukera ona zuten gaurkoan aurreko postuetan finkatzeko.