Donostiako Aste Nagusiko bigarren egunean giro bikaina izan da kaleetan zehar. Eguraldi bikaina lagun, jende asko izan da antolaturiko ekimenetaz gozatzen.

Sagardo azoka, umeentzako jolasak edo kirol eta gastronomia txapelketa izan dira egun osoan zehar. Gauean su artifizialen eta musikaren ordua izango da.

Julieta Venegas mexikarra izango da protagonista Saguesen eta Willis Drumond taldea La Flamenka gunean.

Astelehenean Abordatzera! ekimen arrakastatsua antolatu dute Piratek. Goizeko 8.00etatik baltsen muntaketarekin hasiko dira, 14.00etan bazkari herrikoia eta 17.00etan abordatzera aterako dira.