Akitania Berriko, Euskal Autonomia Erkidegoko (EAE) eta Nafarroako errugbi taldeen egoera eta errugbi lehiaketei normaltasunez ekiteko epe motzeko aurreikuspenak aztertu ondoren, antolakuntza batzordea osatzen duten hiru federazioek erabaki dute Euro Basque Rugby Challenge txapelketaren bigarren edizioaren antolaketa –abuztuan eta irailean ospatzekoa zen– 2021eko abuztura atzeratzea, lehiaketa bultzatzen duten erakundeekin bat etorriz.

Bigarren edizioan Bidasoaren bi aldeetako errugbi talde esanguratsuenek hartuko dute parte, bai gizonezkoetan bai emakumezkoetan, 2019an hasitako txapelketari jarraipena emanez.

Azkenik, antolakuntzak eskerrak eman dizkiete Akitania Berria-Euskadi-Nafarroa Euroeskualdearen eta Lakuako Gobernuaren aldetik une oro jaso duten babesagatik. «Laguntza horri esker, mugaz gaindiko errugbi proiektu bat eraikitzen jarraitu ahal izango dugu», ziurtatu dute.

Lehen edizioko irabazlea Baionako Aviron izan zen, 2019ko irtailean Biarritz Olympique taldeari irabazi eta gero.