Anne Goscinnyk, Asterix bilduma ezagunaren gidoilariaren alabak, aitak hil aurretik amaitu gabe utzi zuen istorio baten zirriborroa aurkitu du.
«20 orrialde dira, album baten erdia», esan dio Anne Goscinnyk ‘Der Spiegel’ astekari alemaniarrari.
Gidoiak, René Goscinnyk makinaz kopiatua, ‘Asterix zirkuan’ du izenburua eta ‘Asterix belgikarren artean’ lanaren atzetik zen argitaratzekoa. ‘Der Spiegel’ astekariaren arabera, familia-artxiboak arakatzen ari zela aurkitu zuen gidoilariaren alabak Asterix eta Obelix protagonista dituen saga famatuaren azkenengo alea izan behar zuen komikia.
Anne Goscinnyk uste du bere aita hil ondoren albumaren ondorio egoki bat osatzea oso «konplexua» izango litzatekeela. «Pertsona askok eseri beharko lukete mahaia baten bueltan, istorioan murgildu eta bere ahotsa aurkitzeko», dio gidoilariaren alabak. «Goyaren pintura batek hutsune bat balu bezala da».
«Baina egunen batean saiatuko gara, abentura aparta izango litzateke», gehitu du René Goscinnyren lana kudeatzeaz arduratzen den emakumeak.
Galo menderaezinaren sagak ehunka milioi ale saldu zituen munduan. 1959an sortu zuten René Goscinnyk (1926-1977) eta Albert Uderzok (iaz hil zen, 93 urte bete eta gutxira, bihotzeko arazo baten ondorioz).
Lateralidad, un tema desconocido pero crucial en el aprendizaje de las niñas y niños
Herri Norte rechaza las agresiones sexuales e instituciones piden que se aclaren los hechos
La "Y vasca" acumula 2.200 millones de sobrecostes y 20 años de retraso
Euspel pide 4 años y medio para los antifascistas y ELA acusa a Lakua de proteger a Falange
