Uraren tenperaturak ekainerako erregistratutako balio maximoak gainditu ditu, bai Mediterraneo itsasoan, bai Kantauri itsasoan, Estatuko Portuen neurketa sareek ohar batean jakinarazi duenez. Hala, erakunde horrek egindako neurketaren arabera, zehazki 26,2 ºC-ra iritsi da Pasaiako buian, ekainaren 30ean, eta 23,4 ºC-ra Bilboko portuan, iragan ekainaren 20an.
Datu hauen arabera, Dragonerako buian, Balear Uharteetan, lortu da erregistrorik altuena. Izan ere, ekainaren 30ean, 17.00etan, 30,55 gradura iritsi zen ura bertan. Horrela, hilabete honetan izan den tenperaturarik altuena izan da erregistroak daudenetik.
Buia horrek berak urteko errekor absolutua zuen aurretik, 2024ko abuztuan 31,87 ºC gradura iritsi zelako. Estatuko Portuek kanpoko buia sare bat dute, ur sakonetan, eta kostaldeko beste bat.
Ur sakonetan, 23,39 gradu Bilbon
Kanpoko sarean, ur sakonekoan ere, Atlantikoko itsasertzean, ekainaren 30ean lortu ziren balio errekorrak: Bilboko buiak 23,93 ºC erregistratu zituen eta Villano-Sisargasekoak (A Coruña) 19,99 ºC, biak arratsaldeko 20.00etan.
Kosta sareak, portu eta hondartzetatik gertuen dagoenak, ere balio errekorrak eman ditu egun hauetan: Mediterraneoaren kasuan, Tarragonako buia 28,8 ºC-ra iritsi zen ekainaren 29an, eta Bartzelonakoa 27,6 ºC-ra hurrengo egunean.
Lateralidad, un tema desconocido pero crucial en el aprendizaje de las niñas y niños
Preparándose para confirmar en las urnas la anomalía vasca
«Dirigiremos Venezuela hasta que haya una transición», proclama Trump tras secuestrar a Maduro
El bombardeo en Venezuela y el secuestro de Maduro desatan la desinformación en redes sociales
