Abenduaren 1ean, A-15 autobidean, Ezkirotzen izandako istripu batean larri zauritu zen 10 urteko haurra ostiral honetan hil da Nafarroako Unibertsitate Ospitalean, Nafarroako Gobernuak jakitera eman duenez. Istripuan beste lau pertsona zauritu ziren, tartean hildako adingabearen aita, ama eta arreba.
Istripua joan den abenduaren 1ean gertatu zen, arratsaldeko 17.00ak pasata, A-15 errepideko 85,8 kilometroan, Ezkirotz parean. Bi autok elkarren aurka jo zuten, eta horietako bat biratuta geratu zen, errepidearen ezkerreko erreilan sartuta. Ondoren, erreil horretatik zihoan kamioi batek harrapatu zuen.
Bost pertsona zauritu ziren ezbeharrean, horien artean, hildako haurraren ama, 42 urtekoa, politraumatismoak, hausturak eta urradurak jasan zituena; haren aita, 41 urtekoa, polikontusioekin; eta haren arreba, 12 urtekoa, politraumatismoak izan zituena, eta pelbisa hautsita. 46 urteko emakume bat ere zauritu zen, kolpe arinekin.
Nafarroako Unibertsitate Ospitaleko pediatriako ZIUn ospitaleratuta egon da haurra istripua gertatu zenetik. Hamar urteko mutikoak politrauma bat izan zuen, arnasketa-geldialdia eta pelbisean haustura.
Lateralidad, un tema desconocido pero crucial en el aprendizaje de las niñas y niños
«Dirigiremos Venezuela hasta que haya una transición», proclama Trump tras secuestrar a Maduro
El bombardeo en Venezuela y el secuestro de Maduro desatan la desinformación en redes sociales
32 combatientes cubanos murieron en el asalto estadounidense en Caracas
