El tiempo
Previsión de Joxe Landa (en euskera)
Tiempo de hoy

MOTELAGO ETA FRESKOAGO

Gaur pixka bat galduko du onak baina gutxi kaskartuko da. Haizearen ipar ukitu handiagoak, eguratsaren hezetasuna gehituaz, laino maskalak barreiatuko ditu kostaldean. Eguerdira arte motel samar eta arratsaldean lainoak pixka bat saretuko dira, baina tenperatura behean mantenduko du ipar haizeak. Hau pixka bat mugituko da kostaldean eta hegoaldean, ibai haizea. Horrela, zikinkeria horrek eta tenperaturaren jaitsierak akatsa suposatuko dute onaren mailarentzat. Isobaren mugimendu txiki baten eragina izango da pattalalditxo hau.

Mañana

Tenperatura berdintsu, baina dotoreziak asko irabaziko du. Ipar haizeak ekialderagotik joko du, baina horrek apur bat mikaztuko du giroa, epeldu ezinean dela. Hala ere, kostaldeko ipar haizea eta hegoaldeko ibai haizea baretzen. Tenperatura gutxi igoko da. Borraska txikiaren muturrak, Mediterraneoan kiribildurik, ipar haizea xaxatuko du eta freskura mantendu ere bai. Hala ere, laster desagertuko da zurrunbilo txiki hori eta onetik onerako martxan jarriko da eguraldia. Astean zehar bikain portatuko da.

Joxe Landa. (Gorka RUBIO / ARGAZKI PRESS)