Xabi Borda, ‘Birika zatiak’ liburutik
IRUDITAN

Idortea

Desertu bazterrean topatuko nauzu

zapi batez amorrua estali ezinik

esango dizut gabeziak baino ez ditudala biltzen

zerbaiten fruituak balira bezala

eta berandu dela

ezin naizela besterik gabe

lurraren gorria zainetaratzen hasi

ezin dudala sabela harriz bete

eta berandu dela berriro euriari deika hasteko

lehortea noiz iragango itxaroten geratzeko

beti izan dela berandu

eta izango dela oraindik