Iparralde mailako bilera irekia deitu Gure Esku Dago ekimenak gaur 19.00etarako Ziburuko Baltsa elkartean. Bertan, “Jostunak” dokumentalaren emanaldia izango da eta, ondotik, Amets Arzallusek eta Angel Oiarbidek gidatuta bilera irekia egingo da. Gure Esku Dago dinamika bertan nola garatu eta zein bide jorratu aztertuko da.

Ikasturtea hasi zenetik poliki-poliki iaz sortu ez ziren batzordeak eratu direla gaineratu zuten, Erriberan, Iruñerrian eta Errioxan, adibidez.

Honekin batera, hilaren 11n Bilbon ekainaren 21erako prestatu den ekimenaren aurkezpena egingo dutela aurreratu zuten Gure Esku Dago ekimeneko kideek.