Bilbo Hiria Pop Rock lehiaketaren 27. edizioan parte hartuko duten 38 taldeak aukeratu dituzte jada. Zehazki, musikaren munduko adituek osatutako epaimahai batek egin du hautaketa. Pop-rock modalitateko 24 talde dira orotara, Metal kategoriako hamar eta Elektronika eta Beste Joera Batzuk modalitateko beste lau.

Taldeok Bilborock aretoan joko dute zuzenean irailetik aurrera. Araba, Bizkai, Gipuzkoa, Nafarroa, Estatu frantses, Estatu espainol eta Poloniakoak dira hautatutako taldeak. Erreferente bihurtu den lehiaketa honetan guztira 643 taldek eman dute izena, hots, iazko edizioan baino %4 gehiagok.