Pasa den ostegunean hasi zen Bisigua Orio Estilora jaialdi gastronomikoa, eta horren baitan 200 pertsona inguruk dastatu ahalko dute jaki preziatua egun hauetan. Gaur izango da azken eguna, eta gutizia hori dastatzeko aukera aproposaz gain, egitaraua bestelako proposamenez bete dute. Eguerdian, 12.00etan, sagardo eta marmitako dastaketa (2 euro errazio bakoitza) izango dira. Arratsaldean, 18.30ean, ARC ligako VIII. Estropada izango da Oria ibaian. Festa gastronomikoaren inaugurazioan, Vicente Zaragueta Donostiako Aquariumeko presidentea eta Paxita Peña sukaldari oriotarra omendu zituzten.