Eiziek bere esku dituen “Senez” aldizkariko, Literatura Unibertsala, Urrezko Biblioteka eta Itzultzaile Aitzindariak bildumetako eta “31 eskutik” blogeko testuak Euskaltzaindiaren eskuetan jarriko ditu Lexikoaren Behatokia elikatzeko. Lexikoaren Behatokiak Euskal Herri osoko testuak jaso eta euskararen aldaera guztiak biltzen ditu.

Bi erakundeen arteko elkarlana euskararen eta euskal kulturaren sorkuntzarako, sustapenerako, garapenerako eta zabalkunderako proposatzen diren egitasmoen inguruan gauzatuko da. Hitzarmena joan den ostiralean sinatu zuten bi aldeek Luis Villasante Euskararen Ikergunean, Donostian.